8-noyabr kuni Atirau xalqaro aeroportida bir yo‘lovchi qo‘l yukida “bomba bor” deb hazillashgan. Aeroport xodimlari darhol yo‘lovchilarni evakuatsiya qilib, hududni o‘rab olishgan va parvozlar vaqtincha to‘xtatilgan. Yuklarni tekshirish hamda xavfsizlikni ta’minlash uchun favqulodda xizmatlar chaqirilgan. Tahdid tasdiqlanmagach, erkakka nisbatan jinoyat ishi qo‘zg‘atilgan.

Transport politsiyasi matbuot xizmatiga ko‘ra, “Ushbu holat yuzasidan transport politsiyasi departamenti tomonidan Jinoyat kodeksining 273-moddasi (terrorchilik harakati haqida bila turib yolg‘on xabar berish) bo‘yicha jinoyat ishi qo‘zg‘atildi. Qurbonlar va jabrlanganlar yo‘q, aeroport o‘z faoliyatini odatiy tartibda davom ettirmoqda. Qozog‘iston Jinoyat-protsessual kodeksining 201-moddasiga muvofiq, tergovoldi tekshiruvining boshqa ma’lumotlari oshkor qilinmaydi”, – deyiladi idora xabarida.

• Aeroport
• Evakuatsiya
• Qozog‘iston
• parvoz