AQShning Massachusets shtatidagi Sterbrij shahrida Shotlandiya terma jamoasi muxlislari joylashgan mehmonxona yaqinida otishma va yo‘l-transport hodisasi sodir bo‘ldi.Ma’lum qilinishicha, mahalliy vaqt bilan tungi soat 00:55 atrofida politsiyaga hodisa haqida xabar kelib tushgan. 

Guvohlarning aytishicha, SUV rusumli avtomobilni boshqarayotgan ayol mehmonxona devoriga kelib urilganidan so‘ng avtomobildan tushib, bir necha marta o‘q uzgan.Jahon chempionati o‘yinini tomosha qilish uchun AQSHga kelgan shotlandiyalik muxlisning so‘zlariga ko‘ra, u avval avtomobil signalizatsiyasi ovozini, keyin esa o‘q tovushlarini eshitgan. Shuningdek, hodisa vaqtida oyna singani va eshikni buzishga urinishga o‘xshash tovushlar ham bo‘lgani aytilmoqda.Hodisa joyiga politsiya va tez yordam xizmatlari zudlik bilan yetib kelgan.

Ayni paytda huquqni muhofaza qiluvchi organlar tergov ishlarini olib bormoqda. Rasmiylar hozircha qo‘shimcha ma’lumot bermagan bo‘lsa-da, jamoatchilik uchun xavf mavjud emasligini bildirgan