Hindistonning shimoli-sharqiy hududida An-32 rusumli harbiy-transport samolyoti qo‘nish vaqtida halokatga uchradi.Rasmiy ma’lumotlarga ko‘ra, hodisa oqibatida ekipajning 5 nafar a’zosi halok bo‘lgan. 

Samolyotdagi ikkinchi uchuvchi esa omon qolgan, biroq uning sog‘lig‘i haqida batafsil ma’lumot berilmagan.

Mahalliy OAV tarqatgan kadrlarda samolyot yerga qattiq urilgani va bir necha bo‘lakka parchalanib ketgani aks etgan. Voqea joyida qutqaruv xizmatlari ish olib bormoqda.Hindiston Harbiy-havo kuchlari hodisa sabablarini aniqlash maqsadida maxsus tergov komissiyasi tuzilganini ma’lum qildi.