Toshkentda markazlashgan isitish va issiq suv xizmatlari uchun oldindan to‘lov qilish tartibi o‘zgardi. Endi iste’molchilar to‘lovni amalga oshirgan vaqtdagi tarifni avvalgidek bir yil emas, faqat ikki oy davomida saqlab qolishi mumkin.Yangi qoidalarga ko‘ra, oldindan to‘langan xizmat hajmi uchun amaldagi tarif ikki oy mobaynida amal qiladi.

Ushbu muddat tugagach, keyingi hisob-kitoblar amaldagi tariflar asosida amalga oshiriladi.

Mazkur o‘zgarishlar markazlashgan isitish va issiq suv ta’minoti xizmatlariga tatbiq etiladi. Endilikda tariflar oshishidan himoyalanish maqsadida bir yilga oldindan to‘lov qilish amaliyoti o‘z kuchini yo‘qotadi.