Toshkent aeroportida 41 va 31 yoshdagi 2 nafar ayol qizlarni Hindistonga fohishalikka jo‘natayotgan paytida qo‘lga olindi. Ular qizlarga yaxshi ish topib berishni va’da qilib, fohishalik qilishga jo‘natmoqchi bo‘lishgan. Bu haqda Samarqand viloyati IIB Matbuot xizmati xabar berdi.

Ma’lum qilinishicha, Oqdaryo tumani Ichki ishlar bo‘limi hamda Davlat xavfsizlik xizmati xodimlari tomonidan Islom Karimov nomidagi Toshkent xalqaro aeroportida fohishalikka jo‘natilayotgan ikki qiz to‘xtatib qolingan.

Ular qizlarni Hindiston davlatida bo‘lgan jinoiy sheriklari yordamida shahvoniy ekspluatatsiya qilishni maqsad qilib, kuzatayotgan vaqtida tezkor tadbir davomida qo‘lga olingan.

Hozirda holat yuzasidan Samarqand viloyati Ichki ishlar boshqarmasi huzuridagi Tergov boshqarmasi tomonidan jinoyat ishi qo‘zg‘atilib, tergov harakatlari olib borilmoqda.

• Aeroport
• Fohishabozlik
• IIB
• Jinoyat
• Toshkent