Britaniya tashqi ishlar vaziri Liz Trass Bosh vazir sifatida mamlakat uchun falokat bo‘lishi mumkin. Bu haqda Shotlandiyaning birinchi vaziri Nikola Sturjun Britaniyaning “Sky News” telekanaliga bergan intervyusida aytib o‘tdi.

“Agar u mamlakatni yoz fasilida saylovoldi tashviqotini olib borgan kabi boshqarsa, bu nafaqat Shotlandiya, balki butun Buyuk Britaniya uchun falokat bo‘ladi. Lekin umid qilaylikki, bunday bo‘lmaydi, chunki vaziyat Buyuk Britaniya uchun juda og‘ir va bizga o‘ta jiddiy va ongli rahbarlik kerak”, – deydi Sturjun.

Qayd etish mumkin, Buyuk Britaniya Bosh vaziri lavozimi uchun saylov natijalari ertaga, 5 sentyabr kuni e’lon qilinadi.

Avvalroq, Trass elektr energiyasi narxi bilan bog‘liq muammoni hal qilishga va’da bergan va mamlakat korxonalari yopilmasligiga kafolat berilishini aytib o‘tgan edi.

• Britaniya
• Liz Trass
• London
• Parlament
• Shotlandiya