Germaniyaning Volkswagen avtogiganti va uning hamkorlari tomonidan Ispaniyada elektromobillar va akkumulyatorlar ishlab chiqarishni rivojlantirishga investitsiyalar 7 dan 10 milliard yevrogacha oshiriladi. Bu haqda kompaniya bosh direktori Gerbert Diess ma’lum qildi, deya xabar bermoqda “Reuters” axborot agentligi. 

Qayd etish joiz, kompaniya quyosh elektr stansiyasini quradigan Ispaniyaning eng yirik energetika kompaniyasi Iberdrola bilan hamkorlik shartnomasi tuzdi. Bu akkumulyator zavodining elektr energiyasiga bo‘lgan ehtiyojini qisman qoplaydi.

Ta’kidlanishicha, Iberdrola hali tafsilotlari oshkor etilmagan kelajakdagi loyihalarga 500 million yevro sarmoya kiritadi.

Ma’lumot uchun, avvalroq Volkswagen Ispaniyada elektromobillar ishlab chiqarishni rivojlantirishga 7 milliard yevro sarmoya kiritishni rejalashtirgandi.

• Ispaniya
• Jahon
• Volkswagen