Germaniyaning “Wolkswagen” avto giganti kelasi yili Janubiy amerika mamlakatlari uchun “Polo Track” avtomobilining birinchi tizerlarini chop etdi. Yangilik Yevropadagi “Polo” modelining arzon versiyasi bo‘ladi.

“Polo Track” ixcham xetchbeki standart Polodan ba’zi tashqi elementlar, jumladan, soddalashtirilgan grafikali optika, kattalashtirilgan panjara va bamperi bilan farq qiladi.

Texnik qismga kelsak, “Wolkswagen Polo Track” kamroq sonli turli elektron tizimlarni taqdim etadi. Dastlabki ma’lumotlarga ko‘ra, kichik xetchbekning dvigatel liniyasiga benzin va etanolda ham ishlay oladigan 1,0 litrli uch silindrli turbo dvigatel o‘rnatilgan.

Yangi avtomobil 2023-yildan Braziliyada ishlab chiqarila boshlanadi. Model haqidagi boshqa tafsilotlar keyinroq e’lon qilinadi.

Qayd etish mumkin, “Wolkswagen”ning O‘zbekistondagi rasmiy ofisi 2019-yilda tashkil etilgan. Korxonada yiliga 20 mingtagacha avtomobil ishlab chiqarish quvvatiga ega “Wolkswagen” tijorat avtomobillarini ishlab chiqarish bo‘yicha yig‘ish zavodi ham mavjud. 

U butun O‘zbekiston bo‘ylab mamlakatning muhim hududlarida hamkorlik tarmog‘i orqali ishlaydi. Kompaniyasi yuqori sifatli professional xizmat ko‘rsatishni taklif etadi. Kompaniya mijozlari xizmat ko‘rsatish shartnomalari bo‘yicha avtomobillarga original ehtiyot qismlarni ham sotib olish imkoniyatiga ega.

• Wolkswagen