“Xabbl” teleskopi yorug‘likning zaif nuqtasi sifatida ko‘rinadigan “GAMA 526784” ultra-diffuz gallaktikasini suratga oldi. Ushbu obyekt Gidra yulduz turkumida bo‘lib, Yerdan taxminan to‘rt milliard yorug‘lik yili uzoqlikda joylashgan.

Qayd etilishicha, “GAMA 526784” kabi ultra-diffuz gallaktikalar bir qator xususiyatlarga ega. Xususan, ular Somon yo‘lining kattaligida bo‘lishi mumkin, ammo ulardagi yulduzlar 100 dan 1000 martagacha kamroq. Bu ularda yulduzlarning paydo bo‘lishi uchun zarur bo‘lgan gazning yetishmasligi bilan bog‘liq. Olimlarning ta’kidlashicha, bu “muvaffaqiyasiz” oddiy gallaktikalardan biri bo‘lishi mumkin, chunki ular shakllanishning dastlabki bosqichida o‘zlarining gaz zaxiralarini yo‘qotgan bo‘ladi.

Bunday gallaktikalardagi qorong‘u materiyaning tarkibi qanday ekani haqida aniq ma’lumot yo‘q. Ularning yana bir g‘alati tomoni shundaki, boshqa turdagi gallaktikalarda kuzatilmaydigan yorqin globulyar klasterlar juda ko‘p.

Shuningdek, rangli tasvir spektrning ko‘rinadigan va infraqizil hududlarida olingan alohida tasvirlardan yaratilgan. Ushbu ma’lumotlar astronomlarga ushbu gallaktikani yuqori aniqlikda o‘rganish imkonini beradi va undagi yulduzlarning kattaligi hamda yoshini taxmin qilishga yordam beradi.

• Koinot
• NASA
• kosmos