Yaponiya bosh vaziri Fumio Kisida va XXR raisi Si Szinpin o‘rtasidagi ehtimoliy uchrashuvga hozirlik ko‘rmoqda, bu ikki davlat rahbarlarining so‘nggi uch yildagi ilk uchrashuvi bo‘lishi mumkin. Bu haqda “Kiodo” agentligi xabar berdi.

Qayd etilishicha, uchrashuv Tailand yoki Indoneziyada bo‘lishi mumkin. Kisida hozirda ACEAH (Janubi-Sharqiy Osiyo davlatlari uyushmasi) bilan bog‘liq bir qator uchrashuvlar uchun Kambodjaga yo‘l oladi, keyin esa 15-16 noyabr kunlari G20 sammiti bo‘lib o‘tadigan Indoneziyaning Bali oroliga tashrif buyuradi va payshanba kuni Osiyo-Tinch okeani mintaqasi Iqtisodiy hamkorlik sammiti uchun Tailandga boradi.

Qayd etilishicha, Kambodjaga uchishdan oldin Kisida ham Si Szinpin, ham Janubiy Koreya prezidenti Yun Sok Yol bilan uchrashishni rejalashtirayotganini ma’lum qilgan.

Kiodo ma’lumotlariga ko‘ra, Kisida Si Szinpin bilan ikki davlat o‘rtasida konstruktiv va barqaror munosabatlar o‘rnatish zarurligi haqida gaplashmoqchi. Bosh vazir, shuningdek, Xitoyning Tokio va Pekin o‘rtasidagi hududiy nizo ob’yekti bo‘lgan Tokio nazoratidagi Senkaku orollari (xitoycha nomi – Diaoyudao) atrofidagi dengiz faoliyati va Pekinning Tayvan oroliga nisbatan harakatlaridan xavotir bildiradi.

Shu bilan birga, G20 sammiti doirasida AQSH prezidenti Jo Bayden va Si Tszinpin o‘rtasida muzokaralar o‘tkazilishi kutilmoqda va Yaponiya rasmiylari ushbu uchrashuv natijalarini kuzatib boradi.

• Fumio Kisida
• G20
• Muzokara
• Si Szinpin
• Xitoy
• Yaponiya