O‘zbekistonning Yaponiyadagi favqulodda va muxtor elchisi Muhsin Abdurahmonov Yaponiya parlamentining Maslahatchilar (yuqori) palatasi deputati, Liberal-demokratik partiyasining a’zosi Muneo Suzuki bilan uchrashdi.

Uchrashuvda O‘zbekiston va Yaponiya o‘rtasida parlamentlararo hamkorlik aloqalarini faollashtirish va kengaytirish, ikki davlat o‘rtasida savdo-iqtisodiy, madaniy-gumanitar, ta’lim va turizm sohalaridagi o‘zaro hamkorlikni rivojlantirish masalalariga alohida e’tibor qaratildi.

Deputat kelgusida ham O‘zbekiston va Yaponiya o‘rtasidagi keng qamrovli ikki tomonlama strategik sheriklik aloqalarini rivojlantirishda amaliy yordam ko‘rsatishga tayyorligini ma’lum qilib, Yaponiya parlamentining O‘zbekiston bilan do‘stlik Ligasiga a’zo bo‘lish istagini bildirdi.

• Elchi
• Oliy Majlis
• Parlament
• Yaponiya