Yevropa kompaniyalari qishga tayyorgarlik ko‘rish va gazni yer osti omboriga quyishda davom etmoqda, ularning o‘rtacha darajasi Gas Infrastructure Europe (GIE) ma’lumotlariga ko‘ra 50% dan oshdi.

Joriy yil 8-iyun holatiga ko‘ra, Yevropa gaz omborlari 50,24 foizga to‘lgan. Xususan, ulardagi gazning umumiy hajmi qariyb 53,3 milliard kub metrga yetdi.

Yevropada gazni omborlarga quyish 2022-yil 19-martda, gaz omborlarini to‘ldirish darajasi 25 foizga teng bo‘lgan paytda boshlangan. 20-aprelga kelib bu ko‘rsatkich 30 foizga yetdi, 15-mayda esa 40 foizdan oshdi.

Qayd etilishicha, Yevropa joriy yil 1-noyabrgacha o‘z omborini kamida 80 foizga to‘ldirishni maqsad qilgan.

• Gaz
• Jahon
• Yevropa