O‘zbekistonda xizmat ko‘rsatgan madaniyat xodimi, taniqli yozuvchi Shodmon Otabek 79 yoshida hayotdan ko‘z yumdi.

Turli yillarda yozuvchining “Mirzakalon Ismoiliy” (1978), “Yaproqdagi nur” (1979), “Odamiylik sinovlari” (1986), “Eng baxtli kun”, “Qorbo‘ron”, (1988, 2009), “Shaxmat abadiydir” (1990), “Shirmonbuloq oqshomlari” (1995) kabi kitoblari, shuningdek, “Yaxshi kunlarda ko‘rishaylik”, “Birkam dunyo” qissalari chop etilgan.

Shodmon Otabek badiiy tarjima bilan ham jiddiy shug‘ullangan. U L.Tolstoy, M.Zoshchenko, V.Shukshin, B.Sarnov, Ye.Gik, A.Nesin asarlarini mahorat bilan o‘zbek tiliga o‘girgan.

Shodmon Otabekning asarlari rus, ukrain, qozoq, turk tillariga tarjima qilingan. U “Shuhrat” medali bilan taqdirlangan.

• Yozuvchilar_uyushmasi