26°
Kechasi 16°
Bosh prokuratura huzuridagi Departamentning Zangiota tumani bo‘limi hamda alkogol va tamaki bozorini tartibga solish inspeksiyasi xodimlari tomonidan o‘tkazilgan tezkor tadbirda “B.” MChJ rahbari Z.M. va texnologi R.A. o‘zaro til biriktirib, “Gulbog” MFY hududidagi binoda tegishli ruxsatnoma va litsenziya olmasdan qonunga xilof ravishda etil spirti ishlab chiqarish va o‘tkazish faoliyati bilan shug‘ullanib kelayotganliklari aniqlanib, tadbir jarayonida umumiy bahosi 344,1 mln so‘mlik jami 10 ming litr etil spirti ashyoviy dalil sifatida olingan.
Bu haqda O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti matbuot xizmati xabar berdi.
“Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda”, – deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
