Ukraina prezidenti Vladimir Zelenskiy Ukraina armiyasi tarkibida jang qilayotgan musulmon harbiy xizmatchilar bilan birga iftorlik qildi.

“Bu yil Ramazon boshlangan 11-martdan buyon barcha ukrainaliklar, Ukraina musulmon jamoasi uchun Rossiya terrorisiz tinch va xavfsiz kun bo‘lgani yo‘q. Ukrainaning o‘nlab shahar va qishloqlari Rossiya Federatsiyasi tomonidan hujumga uchradi – Sumi viloyatidan Lvov viloyatigacha, Odessadan Donetsk viloyatigacha”, — degan Zelenskiyning matbuot xizmati.

“Putin uchun muqaddas va qadrli narsa yo‘q – u kimni azoblashi va qaysi e’tiqodni yo‘q qilishning ahamiyati yo‘q, chunki u faqat zo‘ravonlikka ishonadi” – deya ta’kidlagan Zelenskiy.

“Men jangovar harakatlar va ular keltirib chiqargan tartibsizliklar tufayli normal hayotdan mahrum bo‘lgan boshqa xalqlarni eslashni istardim. Dunyodagi har bir inson tinchlikka loyiqdir. Suriya, Gʻazo, Liviya, Sudan va hozir tinchlik bo‘lmagan boshqa barcha mamlakatlardagi odamlar. Biz Ukrainada, uyi urush natijasida vayron bo‘layotgan barcha xalqlarga hayotni himoya qilish va halol tinchlikni qadrlaydigan barchaga tilaymiz. Bu Ramazon vaqti insonlarga madad bersin. Va bizning birligimiz o‘zgarmas bo‘lsin. Ramazon muborak” – degan Ukraina prezidenti.

• Putin
• Ramazon
• Rossiya
• Ukraina
• Zelenskiy
• iftorlik