Ayni paytda Xalq deputatlari Yangiyo‘l shahar kengashining navbatdan tashqari sessiyasi bo‘lib o‘tmoqda. Unda hududdan saylangan deputatlar, shahar huquq-tartibot organlari, hududdagi korxona va tashkilot rahbarlari, faollar qatnashmoqda.

Sessiyada Toshkent viloyati hokimi Zoyir Mirzayev ishtirok etmoqda. Kun tartibidagi masala yuzasidan viloyat hokimi tanqidiy-tahliliy nutq so‘zlamoqda.

Xususan,  viloyat hokimining Sultanov Dilshod Shuhratovichni shahar hokimi lavozimidan ozod etish to‘g‘risidagi qarori tasdiqlandi. Bu haqda Toshkent viloyati hokimligi ma’lum qilgan.

Uning o‘rniga Ravshan Raimov tayinlandi. Bungacha u Toshkent shahar davlat soliq boshqarmasi boshlig‘i o‘rinbosari vazifasida ishlab kelayotgan edi.

• Toshkent
• Zoir Mirzayev