Twitter koronavirusning keng tarqalishi sababli o‘z ishchilarini masofaviy ishlash rejimiga o‘tkazishni boshladi. Bu haqda kompaniyaning o‘zi ma’lum qilgan.

Xususan, Gonkong, Yaponiya va Janubiy Koreyada joylashgan kompaniya ofislari xodimlariga uzoqdan ishlash rejimiga o‘tkazilishi bo‘yicha ko‘rsatma berilgan. Kompaniyaning boshqa davlatlarda joylashgan ofislarida esa xodimlar zaruriy vaqtdagina o‘z ish joyiga kelishlari mumkin.

Xavfsizlik chorasi...
Xodimlar salomatligi va xavfsizligini ta’minlash maqsadida kompaniya ofislarida chuqurlashtirilgan dezinfeksiya amaliyotlari qo‘llanilmoqda. 

Kompaniya rahbariyatining ma’lum qilishicha, bu holat Jahon sog‘liqni saqlash tashkilotining epidemiya pasayganligi haqida xabar qilguniga qadar davom etadi. Rahbariyat kompaniyada ko‘rilgan choralar orqali virus tarqalishi va u bilan kasallanish xavfining oldini olish bo‘yicha ishlarni amalga oshirmoqda.