Biz, ayollar sochimizni juda yaxshi ko‘ramiz. Shu sabab ularni  turli ranglarga bo‘yab, chiroyli parvarishlab yurishni kanda qilmaymiz. Kimlardir qora sochlarni yaxshi ko‘rsa, yana kimlardir jigarrangni xush ko‘radi. Aytishlaricha, soch rangi ayolning tashqi ko‘rinishini yoshartirib ko‘rsatar ekan. Xo‘sh, qaysi ranglar?

Balayaj (melirovaniye)

Soch ildizining to‘qroq rangdan boshlanib, uchlari tomon ocharishi bilan bog‘liq boyash amaliyoti balayaj deb ataladi. Ranglarning bunday “o‘ynashi” soch sohibasining tashqi ko‘rinishini yoshartiradi.

Pushti blond

Bunday rangga kim ham bo‘yardi, dersiz? Yosh qizlarimiz o‘z sochlarini mana shunday noordinar rangga bo‘yashnixush ko‘rishadi va to‘g‘ri ham qilishadi! Sochni och shaftoli rangidan to to‘q pushti ranggacha bo‘yash allaqachon modaga kirishga ulgurgan. Aynan shu ranglar ayol ko‘rinishini buzmaydi va soch rangini “arzon” qilib ko‘rsatmaydi.
Ammo “Barbi” deb ataluvchi pushti ranglardan uzoqroq yurgan yaxshi.

Asalli blond

U sochning tabiiy rangiga juda yaqin. Shu sabab 40 yoshdan oshgan ayollar uchun juda mos keladi. Asalli blond oqargan soch tolalarini berkitadi va bilintirmaydi.

Karamel rang

Ayolni yosh qilib ko‘rsatish bo‘yicha ikkinchi o‘rinda turuvchi rang bu karamel rangdir. Bu ranglar tabiiy soch rangi qora bo‘lganlar uchun ham mos keladi. Ular xonimning ko‘rinishini vizual yosh qilib ko‘rsatadi va yuz go‘zalligini yaqqol ko‘rsatadi.

Bug‘doy rang

Bu rang sochlaringizni xuddi tabiiydek qilib ko‘rsatadi. Bu rang balayaj, ombre, shatush deb ataluvchi soch bo‘yash amaliyotlari bilan uyg‘unlashtirilsa, chiroyli ko‘rinish paydo bo‘ladi. Bu yosh qizlarga ham, yoshi katta ayollarga ham mos kelaveradi.