10-июнь куни Ўзбекистоннинг аксарият ҳудудларида ҳаво бироз булутли бўлади ва ёғингарчилик кутилмайди. Фақат Фарғона водийси ҳамда тоғолди ва тоғли ҳудудларда қисқа муддатли ёмғир ёғиши, момақалдироқ бўлиши эҳтимоли бор.

Тошкент шаҳрида ҳаво бироз булутли бўлиб, ёғингарчилик кутилмайди. Ҳарорат кечаси 21–23 даража, кундузи 33–35 даража атрофида бўлади.

Қорақалпоғистон Республикаси ва Хоразм вилоятида ҳаво қуруқ бўлиб, кечаси 15–20 даража, кундузи 30–35 даража иссиқ кузатилади.

Бухоро ва Навоий вилоятларида кундузги ҳарорат 32–37 даражагача кўтарилади.

Тошкент, Самарқанд, Жиззах ва Сирдарё вилоятларида ҳам ёғингарчилик кутилмайди, ҳаво ҳарорати кундузи 32–37 даражани ташкил этади.

Қашқадарё ва Сурхондарё вилоятлари энг иссиқ ҳудудлар қаторида бўлиб, айрим жойларда ҳарорат 39 даражагача етиши мумкин.

Андижон, Наманган ва Фарғона вилоятларида баъзи ҳудудларда қисқа муддатли ёмғир ва момақалдироқ кузатилиши мумкин. Кундузи ҳарорат 30–35 даража бўлади.

Тоғолди ва тоғли ҳудудларда ёмғир ва момақалдироқ кузатилиши, айрим жойларда эса сел-сув тошқинлари юзага келиши эҳтимоли мавжуд. Ҳарорат кундузи 22–27 даража атрофида бўлади.

Муҳим огоҳлантириш: 9–12-июнь кунлари республиканинг тоғолди ва тоғли ҳудудларида сел-сув тошқинлари юзага келиши мумкин. Шу ҳудудларга йўл олувчиларга эҳтиёт чораларини кўриш тавсия этилади.