Ички ишлар вазирлиги хабар беришича, Ўзбекистонда ноқонуний йўллар билан минглаб фуқарони умрага юборган ташкилот аниқланди.

Маълум қилинишича, 1984 йилда Андижон вилоятида туғилган аёл, “Жалолқудуқ Авиатранс” масъулияти чекланган жамиятида норасмий турагент вазифасини бажариб, жами 19 547 нафар фуқарони жалб қилиб, ноқонуний умра тадбирини ташкил этган.

МЧЖ томонидан 2024–2025-йиллар давомида фуқаролардан 22 миллион 846 минг 590 доллар нақд пуллар олинган. Бунда давлат ва жамият манфаатларига етказилган жами зарар 1 миллиард 819 миллион сўмдан ортиқ, солиқ ва бошқа йиғимларни тўлашдан бўйин товлаганлик ҳолати бўйича эса 15 миллиард 363 миллион сўмдан ортиқ маблағ ҳисобланган.

Ташкилот томонидан Саудия Арабистонига юборилиб, оғир аҳволда ҳеч қандай шароитларсиз қолиб кетган жами 534 нафар фуқаро махсус рейслар орқали мамлакатимизга олиб келинган. Ҳолат юзасидан 14 нафар шахсга нисбатан Жиноят кодексининг тегишли моддалари билан жиноят иши қўзғатилиб, 13 киши қўлга олинди.

• Ўзбекистон
• Саудия Арабистони
• Умра