2024 йилнинг биринчи ярим йиллигида UzAuto Motors’нинг соф фойдаси кескин ошди. Бу ҳақда Корпоратив ахборотлар ягона порталида жойлаштирилган ҳисоботда келтириб ўтилган.
Унга кўра, жорий йилнинг январь-июнь ойларида UzAuto Motors 1,91 трлн сўм соф фойда кўрган. Бу ўтган йилнинг мос даврига нисбатан 65 фоизга кўп.
Жорий йилнинг январь-июнь ойларида автоконсерннинг асосий молиявий кўрсаткичлари қуйидагича бўлган:
Соф тушум: 23,4 трлн сўм (ўтган йилга нисбатан +6,4 фоиз);
Сотилган маҳсулот таннархи: 18,97 трлн сўм (ўтган йилга нисбатан -1,1 фоиз);
Ялпи фойда: 4,45 трлн сўм (ўтган йилга нисбатан +56,6 фоиз);
Операцион харажатлар: 2,39 трлн сўм (ўтган йилга нисбатан +30,3 фоиз);
Соф фойда: 1,91 трлн сўм (ўтган йилга нисбатан +65 фоиз);
Тақсимланмаган фойда: 8,54 трлн сўм (ўтган йилга нисбатан +28,8 фоиз).
Шунингдек, UzAuto Motors’нинг узоқ муддатли банк кредитлари 1,8 трлн сўмни, узоқ муддатли қарзлар 3,8 трлн сўмни ташкил этган. Қисқа муддатли кредитлар 569,1 млрддан 0,2 млрд сўмга камайган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!