Ўзбекистон Президенти Шавкат Мирзиёевнинг Грузияга давлат ташрифи муносабати билан Тбилисидаги машҳур телеминора мамлакатимиз байроғи ранглари билан ёритилди. Бу Грузия томонидан Ўзбекистон халқига билдирилган ҳурмат ва эҳтиром рамзи сифатида баҳоланди.

Ташриф доирасида Президент Шавкат Мирзиёев ва Грузия Бош вазири Иракли Кобакҳидзе телеминора фонида биргаликда суратга тушди. Маълум қилинишича, Грузия ҳукумати раҳбари томонидан Ўзбекистон делегацияси шарафига расмий қабул маросими ҳам ташкил этилган. Тбилиси телеминорасининг Ўзбекистон байроғи рангларида ёритилиши икки мамлакат ўртасидаги дўстона муносабатлар ва стратегик ҳамкорликнинг яна бир рамзий ифодаси бўлди.