7 сентябрь куни Ангрен шаҳрида содир бўлган даҳшатли ЙТҲда ҳалок бўлганларнинг сони 13 нафарга етганлиги маълум бўлди.

ИИВ ҳодиса ҳақида тақдим этган илк хулосасида вафот этганларнинг сони 7 тани ташкил этиши хабар берган эди. Кейинчалик 9 сентябрь куни Фарғона вилояти ҳокими Хайрулла Бозоровнинг фармойиши орқали ҳалок бўлганларнинг асл сони кўпроқ эканлиги маълум бўлди.

Мазкур фармойишда тегишли ташкилот ва идоралар ЙТҲ оқибатида вафот этганларнинг шахсига аниқлик киритиши, уларнинг оила аъзоларига ҳамда жабрланганларга тиббий, моддий, психологик ва бошқа ёрдамлар кўрсатиши белгиланган. Ҳалок бўлганларни дафн маросимлари билан боғлиқ комплекс чора-тадбирлар амалга оширилиши қайд этилган. Жароҳат олганларга Ангрен шаҳар тиббиёт бирлашмасида зарур тиббий ёрдам кўрсатилаётгани билдирилган.

Маълум бўлишича, e-қарор.гов.уз сайтига юкланган фармойиш кейинчалик маълум бир сабабларга кўра, ёпиб қўйилган. “Кун.уз” нашрининг ички ишлар органларидаги манбасига кўра эса бугунга келиб ушбу ЙТҲ оқибатида вафот этганлар сони 13 кишига етган.

• Ангрен
• ИИВ
• Toshkent viloyati
• YTH