“Трамп маъмурияти томонидан ишлаб чиқилаётган Гренландияни сотиб олиш режаси “гренландияликларни сотиб олиш” вариантига айланиши мумкин. Вашингтон расмийлари орол аҳолисини Даниядан ажралиб чиқишга ва эҳтимол Қўшма Штатларга қўшилишга кўндириш учун уларга бир марталик нафақа тўлаш имкониятини муҳокама қилди”, – деб ёзмоқда Reuters.

Гренландия аҳолисига тўловлар ғояси 57 минг кишилик оролни сотиб олиш вариантларидан бири ҳисобланади. Тўловларнинг аниқ миқдори ва механизми ҳали аниқланмаган бўлса-да, расмийлар, жумладан, Оқ уй ходимлари ҳар бир киши учун 10 минг доллардан 100 минг долларгача бўлган миқдорни муҳокама қилган.

Орол аҳолисига бевосита тўловлар варианти Трампнинг битимларга бўлган мойиллигига қарамай, Данияга иқтисодий қарамлигини узоқ вақтдан бери муҳокама қилиб келаётган ва тўлиқ мустақилликка эришишни истаган Гренландия аҳолиси учун камситувчи бўлиб туюлиши мумкин, деб таъкидлайди агентлик.

Маълумот учун, 2025 йилда ўтказилган сўровномада гренландияликларнинг 56 фоизи мустақиллик учун овоз беришга тайёрлигини, 28 фоизи қарши овоз беришини билдирган. Ушбу сўровномада қатнашганларнинг 85 фоизи Гренландиянинг АҚШ таркибига киришига қарши чиққан.

• АҚШ
• Трамп
• reja