Жанубий Корея, АҚШ ва Япония Шимолий Кореянинг киберфаолиятини блокировка қилиш йўлларини излаш учун юқори даражадаги кибермаслаҳат гуруҳини тузишга келишиб олдилар, деб хабар берди Жанубий Корея президенти маъмурияти душанба куни.

Хабар қилинишича, келишувга 31 август куни Жанубий Корея миллий хавфсизлик бўйича маслаҳатчиси ўринбосари Ин Сон Хван, АҚШ миллий хавфсизлик бўйича маслаҳатчининг киберхавфсизлик ва ривожланаётган технологиялар бўйича ўринбосари Энн Нойбергер ва Япония Миллий хавфсизлик котибияти раҳбари ўринбосари Кеичи Ичикава иштирокидаги уч томонлама учрашувда эришилган, - дейилади Риа новости янгиликлар нашрида. Гуруҳ ҳар чоракда учрашади ва Шимолий Кореянинг киберфаолиятини блокировка қилиш чораларини ишлаб чиқишни мақсад қилган.

“Келишувнинг асосий мазмуни Шимолий Корея томонидан амалга оширилаётган ядровий қурол ва оммавий қирғин қуроллари каби қурол-яроғларни ривожлантиришни молиялаштиришнинг асосий манбаи сифатида фойдаланиладиган киберфаолиятни блокировка қилиш бўйича чора-тадбирларни биргаликда ишлаб чиқишдан иборат. Уч давлат ўртасида глобал кибертаҳдидларга биргаликда жавоб бериш. Шу мақсадда уч давлат юқори даражадаги механизм яратиш ва ҳар чоракда мунтазам учрашувлар ўтказишга келишиб олди”, — дейилади президент маъмурияти баёнотида.

• АҚШ
• Janubiy Koreya
• Markaziy Amerika
• Шимолий Корея
• Япония