Олий Мажлис Қонунчилик палатаси депутатлари йўлларда ҳаракатланиш хавфсизлигини таъминлашга қаратилган қонун лойиҳасини биринчи ўқишда қабул қилган. Бу ҳақда Олий Мажлис Қонунчилик палатасининг расмий саҳифаларида маълум қилинган.

Ушбу қонун лойиҳаси билан транспорт воситаларини тротуарлардан, велосипед йўлкаларидан, яшил ҳудуд майдонларидан юргизишнинг олдини олишга қаратилган нормалар белгиланмоқда.

Бундан ташқари, аҳоли томонидан ноқонуний равишда йўлнинг қатнов қисмига тўсиқлар ўрнатиш ёки йўлларни тўсиб қўйиш, транспорт воситалари ва фуқароларнинг ҳаракатига тўсқинлик қилиш ҳолатларига чек қўйиш учун жавобгарлик чоралари назарда тутилган.

Таъкидланишича, ушбу қонун лойиҳасининг қабул қилиниши йўлларда ҳаракат иштирокчилари хавфсизлигини таъминлаш, уларнинг эркин ҳаракатланишига шароит яратишга хизмат қилади.

Мажлисда қонун лойиҳаси депутатлар томонидан биринчи ўқишда қабул қилинган.

• Автобус
• Қонун
• Қонунчилик палатаси