Самарқанд вилоятининг Пастдарғом туманида алимент масаласига оид ноодатий ҳолат юз берди. Турмуш ўртоғини алимент тўламагани учун судга берган аёл кейинчалик ўзи судга мурожаат қилиб, эрини озод этишни сўради.

Мажбурий ижро бюроси ахборотига кўра, эр-хотин аслида бир оилада яшаб, фарзандларини биргаликда тарбиялаб келган. Бироқ расмий ҳужжатларда эркак алимент тўловчи сифатида қайд этилган. Оилавий келишмовчиликлар сабаб эркакка 15 сутка маъмурий қамоқ жазоси тайинланган. Аммо турмуш ўртоқсиз рўзғор юритиш қийин кечганлиги боис, аёл алимент қарздорлигини ўзи тўлаб, бешинчи куни судга мурожаат қилган ва эрини озод қилишни сўраган.

Суд аризани кўриб чиқиб, аёлнинг илтимосини инобатга олган ҳамда эркакни муддатидан олдин озодликка чиқарган.

• Алимент
• МИБ
• Самарқанд
• Суд
• qarzdor