Олий Мажлис Қонунчилик палатасининг навбатдаги мажлисида депутатлар Солиқ кодексига ўзгартириш ва қўшимчалар киритишга оид қонун лойиҳасини кўриб чиқди.

Унга кўра махсус иқтисодий зоналар иштирокчилари фойда солиғидан улар томонидан киритилган инвестициялар ҳажмига қараб:

– 3 миллион АҚШ долларидан 5 миллион АҚШ долларигача миқдорда – 3 йил муддатга;

– 5 миллион АҚШ долларидан 15 миллион АҚШ долларигача миқдорда – 5 йил муддатга;

– 15 миллион АҚШ доллари ва ундан юқори миқдорда инвестициялар киритилганда – 10 йил муддатга озод этилади.

Таъкидланишича, ушбу қонун лойиҳасини ишлаб чиқишга Президентнинг 2021 йил 14 сентябрдаги "Махсус иқтисодий зоналар иштирокчиларини янада қўллаб-қувватлаш чора-тадбирлари тўғрисида"ги ПҚ-5243-сон қароридаги вазифалар ва эркин иқтисодий зоналарнинг 100 дан ортиқ иштирокчилари мурожаатлари асос бўлган.

Қонун лойиҳаси депутатлар томонидан биринчи ўқишда қабул қилинди.

• Кодекс
• Кушербаев
• Лойиҳа
• Қонунчилик палатаси
• Солиқ