“Бангладешда самолётнинг коллеж ва мактаб ҳудудига қулаши оқибатида камида 19 киши ҳалок бўлди, 150 дан ортиқ киши жароҳат олди”, – деб ёзади ТАСС.

Маълумотларга кўра, Бангладеш ҳарбий-ҳаво кучларининг F-7 BGI ўқув самолёти Даккадаги коллеж ва мактаб кампусига қулаган. Самолёт бинолардан бирининг деворига урилиб, ёниб кетган.

Маҳаллий матбуотнинг ёзишича, самолёт ҳавога кўтарилганидан 12 дақиқа ўтиб ҳалокатга учраган. Ҳодиса сабаблари ҳозирча номаълум.

Бангладеш ҳукумати қурбонлар туфайли 22 июлни миллий мотам куни деб эълон қилди. Шу куни бутун мамлакат бўйлаб ҳукумат, жамоат ва таълим муассасалари ҳамда Бангладешнинг хориждаги элчихоналарида давлат байроқлари ярим ҳилпирайди.

• Bangladesh