Дейв Баутиста ва Руперт Гринт иштирокидаги “Эшикни тақиллатинг” филми трейлери намойиш этилди.

Қайд этилишича, Найт Шьямалан (“Сплит”, “Вақт” фильми орқали танилган) режиссёрлигидаги янги даҳшатли фильмнинг трейлери “You Tube” платформасига жойланган.

Картинада бош қаҳрамон таътил вақти олис маконда бўлганида, кичкина қизи ва унинг яқинлари қуролланган тўрт нафар нотаниш киши томонидан гаровга олинади. Жиноятчилар уларга танлов тақдим этади: апокалипсиснинг (адабий жанр бўлиб, унда ғайритабиий мавжудот инсон воситачисига космик сирларни ёки келажакни очиб беради) олдини олиш учун кимдир ўлиши керак бўлади.

Режиссёрнинг таъкидлашича, филм сюжети “жуда таранг” бўлади, аммо тафсилотлар маълум бир нуқтага қадар сир сақланади.

Фильмда бош ролларни Дейв Баутиста, Руперт Гринт, Жонатан Грофф, Бен Элдриж, Никки Амука-Бёрд ва Эбби Куинн ижро этган. Фильм сценарийси Шьямалан томонидан ёзилган. Лойиҳа жорий йилнинг 3 февраль куни премьера қилиниши кутлмоқда.

Қайд этиш мумкин, 53 ёшли Баутистани ўзбек киномухлислари жуда яхши танишади. У иштирок этган “Риддик”, “Спектр”, “Темир мушт”, “Рицарь”, “Галактика қўриқчилари”, “Тиғ остидаги пойга; 2049” ва “Қочиш режаси” каби фильмлар оммалашган.

У шунингдек, шоулашган яккакураш (WWE) бўйича фаолиятини 1999 йилда бошлаган ва 2000 йилда Жаҳон кураш федерацияси (WWF, 2002 йилда номи WWЕ’га ўзгартирган) билан шартнома тузган. 2002 йилдан 2010 йилгача у “Батиста” номи остида шуҳрат қозонди ва олти карра жаҳон чемпиони бўлди, тўрт марта оғир вазн тоифасида жаҳон чемпиони ва икки марта WWЕ унвонини соҳибига айланди. Айнан ушбу жангларни ўзбек томошабинлари яхши эслайди.

Руперт Гринт эса британиялик кино ва телевидение актёри. У ёзувчи Жоан Роулинг асарлари асосида суратга олинган Гарри Поттер филмларидаги Рон Уизли роли билан машҳур.

• Кино
• Netflix
• голливуд