Бугун, 18 сентябрь куни АҚШ президенти Жо Байден ва унинг рафиқаси Жилл Байден Буюк Британияга келди.

Қайд этилишича улар қироличага ҳурмат бажо келтиради, расмий таъзия китобига имзо чекиб, қирол Карл III номидан зиёфатда иштирок этишади. Эртаси куни эса Вестминстер аббатлигидаги расмий дафн маросими ўтказилади.

“У бошқа дунё етакчилари каби автобусда Вестминстер аббатлигига боради. Кўпгина британияликлар учун дунё раҳбарларининг автобусдан сакраш ғояси жуда кулгили”, – дейилади “Washington Post” нашри чоп этган хабарда.

Аввалроқ, Россия Федерацияси президенти Владимир Путин қироличанинг дафн маросимида қатнашишни режалаштирмагани айтилган эди.

Шунингдек, британиялик машҳур футболчи Дэвид Бекхэм қиролича Елизавета II билан видолашиш учун 14 соат навбат кутгани тўғрисида хабар берилган эди.

• АҚШ
• Байден
• Британия
• Karl III
• Qirolicha
• Yelizaveta II