31°
Кечаси 18°
Ички ишлар вазирлиги матбуот хизмати хабарига кўра, Тошкент шаҳар ИИББда хизмат вазифасини бажариш чоғида ҳалок бўлган кичик сержант Ҳосилбек Эшназаров хотирасига бағишлаб ёдгорлик мажмуаси очилди ва унинг оиласига Тошкент шаҳридан уч хонали уй совға қилинди.
Қайд этилишича, Ҳосилбекнинг оиласи, фарзандлари, ва ота-онаси ҳамиша давлат эътиборида бўлиб, ижтимоий муҳофазаси таъминлаб борилади. Қашқадарё вилоятининг Ғузор туманидаги 62-мактабда эса Ҳосилбек учун ёдгорлик барпо этилади.
Давлат раҳбарининг ташаббуси билан Ҳосилбек Эшназаров юксак унвон “Жасорат” медали билан мукофотланганди. Тадбирда Ички ишлар вазири томонидан ушбу медаль Ҳосилбекнинг отасига топширилган.
Эслатиб ўтамиз, жорий йил 25 февраль куни Миробод туманида вояга етмаган Дониёр Турғунов автомашинада йўл-патруль хизмати инспектори Ҳосилбек Эшназаровни уриб юборган эди. Суднинг 28 февраль кунги ажрими билан гумонланувчи Турғуновга нисбатан “қамоққа олиш” тарзидаги эҳтиёт чораси қўлланилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
