Тошкентда бўлиб ўтаётган Ўзбекистон халқаро маданий мерос ҳафталигида бу ҳақида маълум қилинди.

Мазкур альбом Берлин кутубхонасида сақланмоқда. Альбомнинг бир томонида ғазаллар, иккинчи томонида эса миниатюралар акс эттирилган. Альбомдаги ғазаллар туркий тилда ёзилган ҳамда улар Алишер Навоий ва Ҳусайн Бойқарога тегишлидир.

“Бобурийлар сулоласи уч юз йилдан ортиқ ҳукмронлик тарихига эга бўлса-да, ҳеч қачон ўз ота-бобосини, миллатини, тилини унутмаган. Саройда форсча, ҳиндча ёки бошқа тилда гаплашган бўлиши мумкин, лекин асосий, энг жиддий масалалар туркий тилда ҳал қилинган ва жуда кўплаб туркий қўлёзмалар кўчирилган. Мазкур альбомнинг 25 таси Германиядаги Берлин давлат кутубхонасида сақланаётган бўлса, қолган 100 га яқин қисми Буюк Британия, АҚШ, Чехия ҳамда Эронда эканлиги маълум қилинди.

Чет элларга тарқалиб кетган Ўзбекистон маданий мероси намуналарини қайтариш каби маданий ислоҳотлар Ўзбекистон Республикаси Президенти ташаббуси билан амалга оширилмоқда. Ҳозирда Бобурийларга тегишли альбомнинг тарқалиб кетган барча қисмларининг факсимилени йиғиш ва Ўзбекистонга олиб келиш бўйича ишлар давом этмоқда”, — деди Ўзбекистондаги Ислом цивилизацияси маркази директори Фирдавс Абдухолиқов.

• Taqdimot
• Zahiriddin Muhammad Bobur
• топилма