Ижтимоий тармоқларда “Бўстонлиқда айиқни ваҳшийларча ўлдиришди” мазмунидаги хабар бўйича Тошкент вилояти Экология бошқармаси Бўстонлиқ тумани бўлими ва Бурчмулла давлат ўрмон хўжалиги ходимлари томонидан ўрганиш олиб борилди. Бу ҳақда вилоят Экология бошқармаси матбуот хизмати хабар берди.

Дастлабки маълумотларга кўра, Бурчмулла давлат ўрмон хўжалигининг Қоронғу-тўқай бўлими Чўлоқмерган ҳудудида 1 дона Тян-Шан қўнғир айиғи тахминан 70-80 метр баландликдаги қоя тошдан йиқилиб тушганлиги аниқланган.

Тян-Шан қўнғир айиғи танасидан нобуд бўлиш сабаблари Ўзбекистон Фанлар академияси Зоология институти экспертиза марказининг хулосасига асосан аниқланади. Айиқ танаси хулоса натижалари чиққунга қадар Бурчмулла давлат ўрмон хўжалигининг тегишли бўлимида вақтинча сақлаб турилиши маълум қилинган. Экспертиза хулосаси натижаларига кўра, ҳуқуқий баҳо берилади.

Ҳолат Тошкент вилояти Экология бошқармаси томонидан назоратга олинган.

• Ayiq
• Давлат экология қўмитаси
• Экспертиза