Халқаро Меҳнат Ташкилот (ХМТ)нинг статистик маълумотларига кўра ишсизлар сони пандемиягача бўлган даражадан пастга тушган. 2023 йилда глобал ишсизлик даражаси 5,0 фоизни ташкил этган, бу 2022 йилга нисбатан (5,3 фоиз) бироз яхшироқ. 2024 ва 2025 йилларда мазкур кўрсаткич 4,9 фоизни ташкил этиши тахмин қилинмоқда.

ХМТнинг методологиясига кўра, ишсизлик бу – бирор бир мамлакатда иқтисодий фаол аҳолининг бир қисмини ташкил этувчи, ишлашга қодир, лекин иш топа олмаётган одамларнинг мавжудлигидир.

Ўз навбатида ёлланма ишчи ва ўз-ўзини банд қилганлар ишсизлар сафига кирмайди. Халқаро меҳнат ташкилоти маълумотларнинг халқаро қиёсланишини таъминлаш учун 15 ёшдан ошган барча одамларни меҳнатга лаёқатли ёш деб таснифлашни тавсия қилади. Шу билан бирга, ҳар бир давлат меҳнат қобилиятининг ёш мезонларини мустақил танлаш ҳуқуқига эга эканлиги таъкидланган.

• Bandlik
• ishsizlik