Равшан Ҳайдаров бошчилигидаги Ўзбекистон U-23 терма жамоаси 6–24 январь кунлари Саудия Арабистонида 23 ёшгача бўлган футболчилар ўртасида ўтказилаётган Осиё Кубогида иштирок этади.

Ўзбекистон ёшлари учун ушбу турнирнинг ўзига хос жиҳати шундаки, Саудия Арабистонига U-21 ёш тоифасидаги терма жамоа йўл олади. Мазкур мусобақа янги олимпия жамоасини шакллантириш ва миллий футболнинг яқин захирасини синовдан ўтказиш учун муҳим маҳорат мактаби бўлади.

Ўзбекистон U-23 терма жамоаси мусобақада “Б” гуруҳидан жой олган ҳолда илк учрашувини 7 январь куни Ливан терма жамоасига қарши ўтказади. Шундан сўнг, иккинчи тур 10 январда Эрон билан бўлиб ўтади. Гуруҳ босқичидаги сўнги баҳс 13 январь куни Жанубий Корея терма жамоасига қарши кечади.

• Футбол
• Осиё кубоги
• Ўзбекистон
• Саудия Арабистони