Россиянинг Римдаги элчиси Алексий Парамонов телебошловчи Владимир Соловёвнинг Италия Бош вазири Жоржа Мелони ҳақидаги кескин ва ҳақоратли баёнотлари ортидан Италия Ташқи ишлар вазирлигига чақирилди.
Италия Ташқи ишлар вазири Антонио Тажани ушбу баёнотларни “ўта жиддий ва ҳақоратли” деб баҳолаб, Рим ҳукумати номидан расмий норозилик билдирди. У, шунингдек, Бош вазир Жоржа Мелонига тўлиқ қўллаб-қувватлаш изҳор қилди.
Италия оммавий ахборот воситалари маълумотларига кўра, Владимир Соловёв ўз дастурларидан бирида Мелони ҳақида кескин иборалар ишлатиб, уни сиёсий жиҳатдан танқид қилган ҳамда ҳақоратли сўзлар билан тилга олган.
Италия президенти Серcио Маттарелла ҳам ушбу ҳолат юзасидан Бош вазирга қўллаб-қувватлаш мактуби йўллаган.
Мазкур воқеа Россия ва Италия ўртасидаги дипломатик муносабатларда кескинликни янада кучайтирди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!