Эрон ички муаммоларни ҳал этиш жараёнида учинчи давлатлар томонидан ҳар қандай аралашувга йўл қўймайди. Бу ҳақда Ислом Республикаси Ташқи ишлар вазирлигининг расмий вакили Исмоил Багҳай АҚШ президенти Доналд Трампнинг эронлик намойишчиларга ёрдам бериш ҳақидаги баёнотларига жавобан маълум қилди.

“Эрон халқи ички масалаларни ҳал этиш учун ўзаро мулоқот ва ҳамкорлик жараёнига ҳеч қандай хорижий аралашувга йўл қўймайди”, — деб ёзди у Х ижтимоий тармоғидаги саҳифасида.

Исмоил Багҳай, шунингдек, америкалик сиёсатчиларнинг гўёки “эрон халқини қутқариш” ниқоби остида амалга оширган аввалги ҳаракатларига эътибор қаратди. Жумладан, 1953 йилда АҚШ ва Буюк Британия махсус хизматлари томонидан Эронда ташкил этилган давлат тўнтариши, шунингдек, Вашингтоннинг Исроил томонидан Ислом Республикасига қарши бошланган 12 кунлик урушдаги иштироки шулар жумласидандир.

Аввалроқ Доналд Трамп Truth Social ижтимоий тармоғида, “Агар Эрон ўз одатига кўра тинч намойишчиларни ўққа тутса ва шафқатсизларча ўлдирса, АҚШ уларга ёрдамга келади. Биз шай ҳолатдамиз ва ҳаракатга тайёрмиз”, –  деб ёзган эди. Ўз навбатида, Эрон олий раҳбарининг маслаҳатчиси Али Шамхоний мамлакат ички ишларига ҳар қандай баҳона остида аралашишга уринган шахсларнинг “қўли кесилишини” қатъиян таъкидлади.

• АҚШ
• Eron
• Намойиш
• norozilik