Кеча, 19 январь куни Фарғона вилоятида тоғ орасидаги дара йўлда юрган эркак машинаси билан бирга ағдарилиб кетди. Бу ҳақда Фарғона Йўл ҳаракати хавфсизлиги бошқармаси хабар берди.

Хабарга кўра, шу куни соат 21:00 ларда Фарғона тумани “Ёрдон” МФЙ ҳудудида тоғ орасидаги транспорт воситалари ҳаракатланишига мўлжалланмаган кичик дара йўлда 1981 йилда туғилган ҳайдовчи А.А. Captiva русумли автомобилини ўзбошимчалик билан бошқариб кетаётиб, йўл қор ва сирпанчиқ бўлгани сабабли бошқарувни йўқотиб, ағдарилиб кетган ва йўл-транспорт ҳодисаси содир этган. 

Оқибатда Captiva русумли автомобиль ҳайдовчиси А.А. “бош мия ёпиқ шикасти – кома ҳолати” тан жароҳати билан шифохонага юборилган. У кўрсатилган тиббий ёрдамга қарамасдан шифохонада вафот этган. 

• Avtohalokat
• Фарғона