ФИФА талқини бўйича 2022 йилнинг энг яхшилари бўлиш учун даъвогар якуний учликлар эълон қилинди.

Унга кўра, энг яхши футболчи эътирофига Лионел Месси (ПСЖ, Аргентина), Килиан Мбаппе (ПСЖ, Франция) ва Карим Бензема («Реал Мадрид», Франция) даъвогарлик қилмоқда.

Энг яхши мураббий маъқоми учун Карло Анчелотти («Реал Мадрид»), Пеп Гвардиола («Манчестер Сити») ва Лионел Скалони (Аргентина терма жамоаси) номзод сифатида танлаб олинган.

Энг яхши дарвозабон бўлиш учун эса, Тибо Куртуа («Реал», Бельгия), Яссин Буну («Севиля», Марокаш) ва Эмилиано Мартинес («Астон Вилла», Аргентина) кураш олиб боради.

2022 йилнинг энг чиройли голи номи учун якуний уч нафар даъвогар рўйхатидан Мартсин Олекси («Варта Познан»; «Стал»га қарши ўйинда урилган гол), Димитри Пае («Марсел»; Конференциялар лигасида «ПАОК» жамоасига урилган гол) ва Ришарлисон (Бразилия; ЖЧ—2022 да Сербияга қарши ўйинда урилган гол) ўрин олган.

Қайд этиш мумкин, ғолиблар номи 27 февраль куни Парижда бўлиб ўтадиган маросимда аниқланади.

• FIFA
• Футбол
• The Best