“Барселона” нидерландияликни сотиш ниятида.

Mundo Deportivo хабарига кўра, Мюнхеннинг “Бавария” клуби “Барселона” ярим ҳимоячиси Френки Де Ёнгга қизиқиш билдирмоқда.

Манбага кўра, немис гранди нидерландиялик футболчини мавсум охирида қайта сотиб олиш ҳуқуқи билан белгиланган миқдорда ижарага олмоқчи.

Қайд этилишича, Де Ёнгга ҳамон “Манчестер Юнайтед” даъвогарлик қилмоқда. Инглиз клуби ярим ҳимоячини қўлга киритиш учун курашни тарк этиш ниятида эмас.

Агар Де Ёнг сотилса, “Барселона” унинг ўрнига “Манчестер Сити” ярим ҳимоячиси Бернарду Силвани сотиб олишга ҳаракат қилади.

Жорий мавсумда Де Ёнг Испания чемпионатининг учта ўйинида иштирок этди, аммо унумли ҳаракатлари билан ажралиб турмади. Унинг қиймати Трансфермаркт томонидан 60 миллион еврога баҳоланган.

• Бавария
• Френки Де Йонг
• Футбол
• Трансферлар