“Катта еттилик” давлатлари – АҚШ, Буюк Британия, Канада, Франсия, Германия, Италия, Япония Россия олтинининг импортини тақиқлашни эълон қилади. Бу ҳақда “Reuters” ахборот агентлиги хабар берди.

“Лондоннинг халқаро олтин савдосидаги марказий роли ва АҚШ, Япония ва Канаданинг параллел ҳаракатлари ҳисобга олинса, ушбу чора товарни тартибга солинадиган халқаро бозорлардан олиб ташлаб, глобал таъсирга эга бўлади”, дейилади баёнотда.

Қайд этиш жоиз, Буюк Британия 2021 йилда Россия олтинининг асосий импортчиси ҳисобланади: у Россиядан 266,1 тонна олтин (умумий экспортнинг деярли 90%) 15,4 миллиард долларга сотиб олди, кейин Қозоғистон (8,1 тонна), Швейцария (7,3 тонна), Ҳиндистон ) 5,7 тонна), Германия (5,5 тонна), Беларус (3,7 тонна), Туркия (2,1 тонна).

Маълумот учун, бугун 26 июн куни Германияда G7 саммити бошланди, унда G7 етакчилари Россияга қарши санксияларни кучайтириш имкониятларини муҳокама қилишни режалаштирмоқда.

• G7
• Германия
• Импорт
• Катта еттилик
• Олтин
• Россия