G7нинг барча давлатлари 2025 йилгача энергетика секторини карбонсизлантиришга келишиб олдилар. Бу ҳақида Германия вице-канслери Роберт Хабек Берлинда бўлиб ўтган G7 иқлим, энергетика ва атроф-муҳит вазирлари йиғилиши якунлари бўйича брифингда маълум қилди. 

Унинг сўзларига кўра, қазилма энергия субсидияларини тугатиш жуда муҳим. Бироқ, бу вазифани амалга ошириш анча қийин. 

“Энергетика секторини карбонсизлантириш бўйича муҳим қадам қўйилди, ҳозирда қабул қилинган мажбуриятда айтилишича, энергетика сектори 2035 йилда G7нинг барча давлатларида ва бу биринчи янгилик, барча G7 давлатларида, ҳар бири ўзи учун, асосан декарбонизация қилиниши керак ва кўмирдан узоқлашиш G7нинг умумий мақсадидир”, дейди вазир.

Маълумот учун, жорий йил 25 май куни Берлинда “Кучли еттилик” гуруҳининг энергетика, иқлимни муҳофаза қилиш ва атроф-муҳитни муҳофаза қилиш вазирларининг уч кунлик учрашуви бошланди. Германия ҳозирда G7га раислик қилмоқда. “Еттилик гуруҳи” – Буюк Британия, Германия, Италия, Канада, АҚШ, Франция ва Японияни ўз ичига олган иқтисодий ривожланган мамлакатлар уюшмаси ҳисобланади. 

• АҚШ
• Буюк Британия
• Fransiya
• Германия
• Италия
• Канада
• Катта еттилик
• Япония