“Ижтимоий тармоқларда Бойсун туманида газ сизиб чиқиши билан боғлиқ деб талқин қилинаётган видеолар тарқалмоқда.

Бу ҳолат “М-25” конининг 202-сон қудуғида бир ҳафта олдин кузатилган геологик жараён. Яъни, аввалдан ёқиб қўйилган оловнинг вақтинча сўниши ҳолати ҳисобланади”, – дея хабар бермоқда Энергетика вазирлиги.

Мутахассисларнинг таъкидлашича, бу ҳолат кондаги геологик жараён натижасида юз берган ва қисқа вақтда яна ёқиб қўйилган.

Айни пайтда Бойсундаги “М-25” конида вазият барқарор бўлиб, барча жараёнлар мутахассислар назорати остида амалга оширилмоқда.

Хабарга кўра, ҳавога зарарли моддалар тарқалишининг олдини олиш мақсадида газ ёқиб қўйилган ва бу усул атроф-муҳит ифлосланишининг олдини олишда қабул қилинган стандарт амалиёт ҳисобланади ҳамда халқаро саноат хавфсизлиги талабларига тўлиқ жавоб беради.

• Бойсун
• Газ
• Сурхондарё