58-Халқаро кимё олимпиадасининг (ИЧО 2026) тантанали тақдирлаш маросими бўлиб ўтди. Унда Ўзбекистон шарафини ҳимоя қилган ўқувчиларнинг барчаси совринли ўринларни эгаллади. Ўзбекистон терма жамоаси қуйидаги натижаларни қайд этди: Райҳона Туймуродова — олтин медаль; Жасур Мустафоев — кумуш медаль; Азизмуҳаммад Ҳафизов — кумуш медаль; Миржалол Ҳомиджонов — кумуш медаль. Шу тариқа, Ўзбекистон ИЧО 2026да жами 4 та медаль — 1 та олтин ва 3 та кумуш медални қўлга киритди.

Маълумот учун, 2024 йил 30-сентабрдаги Президент қарорига мувофиқ, нуфузли халқаро олимпиадаларда медаль олган ўзбекистонлик иштирокчиларга пул мукофотлари берилади. Олтин медаль учун 1 миллиард 30 миллион сўм, кумуш медаль учун эса 618 миллион сўм мукофот белгиланган. Шунингдек, ғолибларни тайёрлаган ўқитувчиларнинг малака тоифаси бир поғона оширилиши назарда тутилган.