“Ўзгидромет” хабарига кўра, жума ва дам олиш кунлари Ўзбекистон ҳудуди бўйича иссиқ кучайиши кутилмоқда.

Кундуз кунлари ҳаво +42…+45 даражагача, жанубда ва чўл ҳудудларда +46…+48 даражагача исийди.

Шамол 9−14 м/с тезликда эсади, баъзи жойларда 15−18 м/с гача кучаяди, шимолда, жанубда ва чўл ҳудудларда баъзида 20−22 м/с гача кучайиши, айрим жойларда чанг-тўзонлар билан кузатилиши мумкин.

20 июль – душанба куни республика ҳудудининг катта қисмида экстремал иссиқ об-ҳаво сақланиб туради. Фақат Ўзбекистоннинг шимоли-ғарбий ҳудудларида ҳаво ҳарорати пасайиши бошланади.

21 июль – сешанба куни республиканинг барча ҳудудлари бўйича иссиқ чекина бошлайди. Ҳаво ҳарорати 6−9 даражага пасайиши прогноз қилинмоқда.

Тошкентда асосан кам булутли об-ҳаво кузатилади. Жума кундузги ҳаво ҳарорати +41…+43 даража, шанба ва якшанба кунлари +43…+45 даража, кечалари эса ҳарорат +25…+28 даража бўлади.

Сешанбадан ҳарорат 6−9 даражага пасайиши ва иссиқ чекиниши кутилмоқда.

• Dam olish kuni
• Об-ҳаво
• Ўзгидромет
• issiq