АҚШ Президенти Доналд Трамп Канададаги ўрмон ёнғинлари тутуни АҚШ ҳудудига тарқалаётгани учун Оттавани танқид қилди ва Канада товарларига қўшимча тарифлар жорий этиш масаласини кўриб чиқаётганини билдирди. Трамп Truth Social тармоғида Канада ўрмонларни етарли даражада бошқармаётганини айтиб, бу ҳолат АҚШга экологик ва иқтисодий зарар етказаётганини таъкидлади.

У Канада Бош вазири Марк Карни билан боғланиб, муаммони ҳал этиш чораларини муҳокама қилишини маълум қилди. Канаданинг Фавқулодда вазиятлар ва жамоалар барқарорлиги вазири Элеанор Олшевски эса мамлакат 2020 йилдан буён ўрмонларни муҳофаза қилиш ва ёнғинларнинг олдини олишга 12 миллиард Канада доллари йўналтирганини билдириб, АҚШ билан бу борада кўп йиллик ҳамкорлик мавжудлигини қайд этди. Жорий йилда Канададаги йирик ёнғинлар асосан Онтарио вилоятининг шимоли-ғарбий қисмида кузатилмоқда. Ҳозиргача қарийб 650 минг акр ҳудуд ёниб кетган ва минглаб одамлар эвакуация қилинган.