Аввалроқ, “Адолат” социал-демократик партиясининг Сайловолди дастурида истироҳат боғлари, сайилгоҳларни хусусийлаштиришни тақиқлаш, ва бунинг учун жавобгарликни белгилаш таклифи илгари сурилган эди.

Партия ўрганишларига кўра, ҳозирги кунда республикадаги 184 та истироҳат боғларида дарахтзор ҳудудлар камайтирилиб, 944 та бино-иншоот қурилган. 18 та истироҳат боғида 91 та ноқонуний қурилма мавжуд эканлиги аниқланган. Уларнинг 98 тасида 1 248 та аттракционлар ноқонуний ўрнатилган.

Партия Сайловолди дастурида белгиланган мазкур мақсадларни амалиётга татбиқ этиш юзасидан “Адолат” СДП ва Экологик партиянинг Қонунчилик палатасидаги фракциялари аъзолари томонидан аҳолининг маданий ҳордиқ ва дам олиш масканлари муҳофазасини кучайтиришга қаратилган қонун лойиҳаси ишлаб чиқилди ва Қонунчилик палатаси муҳокамасига киритилди.

Маълумот учун, жорий йилнинг 18 ноябрь куни ўтказилган Олий Мажлис Қонунчилик палатасининг янги таркибдаги биринчи мажлисида Президентимиз сайлов компанияси давомида партиялар томонидан илгари сурилган ва халқимиз қўллаб-қувватлаган таклифларнинг амалга оширилиши муҳим эканлигини таъкидлади. Шу жумладан, Ўзбекистон “Адолат” социал-демократик партиясининг истироҳат боғлари, сайилгоҳ ва хиёбонларни хусусийлаштиришни тақиқлаш, дорилар устидан назоратни кучайтириш, сунъий нарх ошишининг олдини олиш ва рецептсиз бериладиган дорилар рўйхатини қисқартириш бўйича ташаббуслари қўллаб-қувватланган эди.

• "Адолат" партияси
• Экология