Америкалик миллиардер Илон Маск цивилизация қанча давом этишини башорат қилди, деб ёзади “Закон.кз”.

“Цивилизация Марс яшаш учун яроқли ҳолга келгунига қадар ўзининг ҳозирги технологик даражасини сақлаб туриши керак. Бунга тахминан 20 йил ичида эришиш мумкин. Агар биз сайёралараро, кейин юлдузлараро бўлиб қолсак, бизнинг цивилизациямиз миллионлаб йиллар давом этади. Агар шундай бўлмаса, эҳтимол бир неча юз йил давом этади”, деб ёзди у Х ижтимоий тармоғида. Миллиардер журналист ва футурист Эд Крассенштейннинг саволига шундай жавоб берди.

1 апрель куни Маск сунъий интеллектнинг (АИ) ривожланиши 10-20% эҳтимоллик билан инсониятнинг ўлимига олиб келиши мумкинлигини айтди. Шу билан бирга, тадбиркорнинг фикрича, бундай технологияларни ишлаб чиқиш ҳали ҳам изланишга арзийди. Чунки бу борадаги ижобий сценарийлар салбийлардан устун туради.

• Ilon_Mask
• Mars
• Sun'iy yo'ldosh