Ирландия парламенти янги бош вазир, 37 ёшли Саймон Харрисни тасдиқлади, у Ирландия Республикаси тарихидаги ҳукуматни бошқарадиган энг ёш бош вазирга айланди, деб хабар берди “ВВС”.

Харрис парламент ишончини оқлаш учун ҳамма нарсага тайёр эканини таъкидлади, шунингдек, ўзидан олдинги Лео Варадкарга ҳурмат бажо келтирди.

37 ёшли сиёсатчи жиддий муаммоларни, шу жумладан арзон уй-жой етишмаслиги ва бошпана сўраганларнинг рекорд сонидан фуқароларнинг норозилигини ҳал қилиши керак.

Мухолифатнинг навбатдан ташқари сайлов ўтказиш чақириғига қарамай, Харрис унинг ҳукумати тўлиқ муддатга хизмат қилиш ниятида эканлигини ва келаси йилнинг март ойида режалаштирилганидек умумий сайловлар ўтказилишини айтди.

• Бош вазир
• Ирландия